परासी/ फागुन ७

मिति २०८१/१०/७ गतेमा‌ प्रकाशित समाचार रामग्राम नगरपालिकाका प्रमुख प्रशासकीय अधिकृत र लेखा शाखाले कमिसन नपाउँदा भुक्तानी राेकियाे भने ‌सामाचा‌रको सम्बन्धमा रामग्राम नगरपालिका द्वारा प्रतिक्रिया एवं खण्डन प्रकाशन गरिएको छ।

प्रकाशित सामग्रीमा रामग्राम नगरपालिकामा कमिसन नपाउँदा भुक्तानी रोकिएको भनी उल्लेख गरिएको सामाचा‌र उक्त विषयमा बुझाइमा फरक परेको रामग्राम नगरपालिका द्वारा प्रतिक्रिया एवं खण्डन गरिएको छ।

मज्झिम आवाज अनलाइन पत्रिकामा कार्यरत रामकरण हरिजनले मिति २०८१/९/१२ गते लेखा शाखामा तोक आदेश गरी प्रषित गरेकोमा निजको निवेदन सँग सूचना प्रकाशन गर्न दिइएको आदेश सम्झौता र आफ्नो मिडियाका आवश्यक कागजात र करचुक्ता पेश गर्नुपर्ने भनी पुन २०८१/१०/७ गते रामकरण हरिजन सँग हस्ते फिर्ता आएकोमा के भएको हेरी निर्णय गर्ने भनी भन्ने सरले जवाफ दिँदा निज रिसाई आफ्नो कागज मागेर लगि लेखा शाखाबाट निर्देशनका लागि लेख्न लगाई दर्ता गराई पेश गर्नुभएकोमा निजले पेश गरेको भुक्तानी बिल नगरपालिकाको आदेश र सम्झौता बेगर प्रकाशित सूचना नरहेको एवं निजले निवेदन साथ अनलाइन दर्ता प्रमाणपत्र र करचुक्ता समेत पेश गर्न नसकेकोले समयमा भुक्तानी नभएको रामग्राम नगरपालिका प्रमुख प्रशासकीय अधिकृत यम बहादुर कुँवरले जानकारी दिनुभयो।

रामकरण हरिजनलाई दर्ता प्रमाणपत्र र करचुक्ता सहित माग दाबी गर्नु भनी लेखा शाखाबाट समेत स्पष्ट आदेश भएकोमा उल्टै पत्रकारको पावर देखाउँछु भने निज स्वयंम जानुभएको प्रमुख प्रशासकीय अधिकृतले जानकारी दिनुभएको छ।