धनन्जय कुमार उपाध्याय/कपिलवस्तु

कपिलवस्तुको चार नम्बर तौलिहवा सडकअन्तर्गत पचेहरा नजिकै साझ करिब ५:३० बजे बम पड्किएको घटनाबारे समाचार प्राप्त भएको छ।घटनास्थलमा गरिएको प्रारम्भिक अनुसन्धान अनुसार सडकमुनि गहिराइमा दबेर रहेको अज्ञात विस्फोटक पदार्थ पड्किएको पुष्टि भएको जिल्ला प्रहरी कार्यालय तौलिहवाले जनाएको छ।

सुरुमा यसलाई बम विस्फोट भएको भनिए पनि अनुसन्धानपछि सडकतल लुकेको विस्फोटक पदार्थ नै पड्किएको खुलेको प्रहरीको भनाइ छ।प्रहरी टोली अहिले घटनास्थलमा पुगेर विस्तृत अनुसन्धान गरिरहेको छ। घटनाबारे थप विवरण संकलन भइरहेको र विस्तृत जानकारी पछि सार्वजनिक गरिने जिल्ला प्रहरी कार्यालय तौलिहवाले जनाएको छ।