दीपेन्द्र चौधरी सहनी / धोविनी पर्सा

धोविनी गाउँपालिका–३, हरिहरपुर, पर्सामा रिना देवी प्रथम भलिबल प्रतियोगिता २०८१ सालको फागुन १६ गतेदेखि सुरु हुँदैछ। यस प्रतियोगिताको आयोजनामा धोविनी गाउँपालिकाको कार्यालय, लगंडी, पर्सा को महत्वपूर्ण सहयोग रहेको छ भने श्रेया स्किल एण्ड क्षमता विकास प्रा. लि., पर्सा मुख्य आयोजकको रुपमा प्रस्तुत छ। स्थानीय स्तरमा भलिबल खेलको प्रवर्द्धन र समृद्धि लक्ष्य बनाउँदै आयोजना गरिने यस प्रतियोगितामा विभिन्न प्रतिष्ठित भलिबल क्लबहरू प्रतिस्पर्धा गर्न आउने छन्।

प्रतियोगिता समूह ‘A’ र समूह ‘B’ मा विभाजन गरिएको छ। समूह ‘A’ मा सहभागी हुने क्लबहरूमा पारा, आस्वारी, सेनियर क्लब विश्वास र महुवन क्लब रहेका छन् भने समूह ‘B’ मा हरिहरपुर क्लब, धोविनी क्लब, सिवान (छपरा) र जुनियर बेतिया क्लब विश्वास प्रतिस्पर्धा गर्नेछन्।

प्रत्येक क्लबका खेलाडीहरूले आपसमा प्रतिस्पर्धा गर्दै उच्च स्तरको भलिबल कौशल प्रदर्शन गर्नेछन्। प्रतियोगितामा युवाहरूको उत्साहजनक सहभागिता रहने अपेक्षा गरिएको छ र यसले खेलकुदको क्षेत्रमा स्वस्थ प्रतिस्पर्धा र समृद्धि ल्याउने विश्वास गरिएको छ।

प्रतियोगिता फागुन १८ गते बिहान १० बजे फाइनल खेलसँगै समापन हुनेछ। आयोजक समितिका अनुसार, प्रतियोगिताको सम्पूर्ण तयारी पूरा भइसकेको छ र यसमा भाग लिनका लागि प्रत्येक क्लबले आफ्नो तयारी पूरा गरेको जनाएको छ। खेलप्रेमीहरूलाई पनि खेल हेर्न र सहभागीहरूलाई उत्साहजनक माहौल बनाउन आमन्त्रण गरिएको छ।

स्थानीय युवा खेलाडीहरूलाई आफ्नो प्रतिभा प्रदर्शन गर्ने प्लेटफर्म प्रदान गर्ने उद्देश्यले आयोजित यस प्रतियोगिताले भलिबलको लोकप्रियता बढाउने विश्वास गरिएको छ। साथै, आयोजकहरूले यस अवसरलाई खेलकुदको माध्यमबाट समाजमा सकारात्मक प्रभाव पार्ने अवसरको रूपमा हेरिरहेका छन्।