नवलपरासी

सुस्तामाथि गिद्धे नजर राखेकाे भारतीय प्रहरी नेपालीकाे हत्या गर्न फेरी एकपटक असफल भएकाे छ ।

नारायणी नदीपारीकाे सुस्ता गाउँका एक नेपालीलाइ अपहरण गरी भारत लैजाने मनशाय लिएर हातहतियार सहित सरकारी गाडीमा सुस्ता पसेकाे भारतीय प्रहरीकाे एक सशक्त टीम साेमवार असफल भएकाे छ । जसले ठुलै दुर्घटना हुनबाट सुस्ता भूमि जाेगिएकाे छ ।

सुराकीले पक्कापक्की खबर दिएकाे हुनुपर्छ तर स्वास्थ्यमा समस्या देखिएपछि सरस्वती पुजा कार्यक्रमकाे बीच अवस्थामै फर्किनु परेकाले नेपाली बीर मुन्ना खाँ साेमवार भारतीय प्रहरीकाे शिकार हुनबाट जाेगिएका छन् र भारतीय प्रहरी रित्ताे हात फर्केकाे छ । तर यस घटनालाइ नेपाल प्रहरीले संयाेग मात्र भनेकाे छ र बिना कुनै केरकार भारततर्फ फिर्ता पठाएकाे छ ।

नेपाल प्रहरीले अवैध रूपमा सुस्ता पसेकाे भारतीय प्रहरीकाे टीमबारे विस्तृत जानकारी दिन चाहेकाे छैन । उसले घटना काे स्विकार मात्र गरेकाे छ, तर विस्तृत जानकारी दिएन ।

पश्चिम नवलपरासी जिल्ला प्रहरी प्रमुख प्रहरी उपरीक्षक ज्ञानेन्द्र प्रसाद फुयाँलले अफिसियल भ्यान सहितकाे भारतीय प्रहरी बाटाे बिराएर साेमवार दिउंसाे साढे ३ बजे नेपाली भूमि सुस्ता पसेकाे बताउनु भएकाे छ तर ति प्रहरीहरू काे थिए ? भारतीय प्रहरीहरू हातहतियार र भ्यानसहित सुस्तामा किन पसे? कसकाे नेतृत्वमा आएका थिए ? कति जनाकाे संख्यामा थिए? हतियार कतिवटा थियाे? यसबारे यकिन गर्न नसकिएकाे भन्नु भएकाे छ ।

उहाँले अनलाइनजनतासंग फाेनमा कुराकानी गर्दै नेपाल प्रहरीले भारतीय प्रहरीलाइ नेपाली भूमि सुस्ताबाट फिर्ता पठाएकाे बताउनु भयाे तर विस्तृत जानकारी आफुसित नरहेकाे प्रस्ट पार्नुभएकाे छ ।

रगत पसिना बगाएर सुस्ता जाेगाएका मुन्ना खाँ उहिलेदेखि अहिलेसम्म भारतीय प्रहरीकाे आँखाकाे ताराे बनेका छन् । सुस्ता जाेगाएर नेपाल र नेपालीकाे अस्तित्व कायम गराएका मुन्ना खाँ लाइ भारतीय प्रशासनले निगरानीमा राखेकाे छ । मुन्ना खाँ कै कारण सुस्ता अाज स्वतन्त्र रूपमा नेपाली भूमिकाे अस्तित्व कायम राखेकाे भारतीय प्रशासनकाे बुझाइ छ ।

अनलाइनजनतासंग कुरा गर्दै मुन्ना खाँ ले भने, सरस्वती पुजाकाे सामुहिक कार्यक्रममा सहभागी हुन म साेमवार नदी पारीकाे सुस्ता गाउँमा रहेकाे राष्ट्रिय दलित प्राथमिक विद्यालय पुगेकाे थिएं तर सञ्चाे नलागेका कारण पुरा समय त्यहाँ बस्न नसकेर म बिचमै फर्कें, जसले भारतीय प्रहरीकाे अपहरणमा पर्नबाट जाेगिएं, भने ।

विहान साढे १० बजे सुस्ता पुगेका खाँ साढे १२ बजे विद्यालयबाट फर्केका थिए, जसले उनी भारतीय प्रहरीकाे हातबाट पक्राउ हुनबाट जाेगिएका थिए । भारतीय प्रहरी मलाइ पक्राउ गर्नकै लागि सुस्ता आएकाे हाे तर त्यतिबेलासम्म म नदीपारी फर्की सकेकाे थिएँ, जसले म जाेगिएं, मुन्न खाँ ले भन्नुभयाे ।

उहिलेकाे समयमा भारतमा अपराध गरेकाे आराेप लागेपनि प्रायजसाे सबै मुद्दामा सफाइ पाइसकेका मुन्ना खाँ लाइ सुस्ता भूमि जाेगाएकै कारण भारतीय प्रशासने उनलाइ पक्राउ पार्ने सूचीमा राखेकाे छ । उनलाइ पक्रनका लागि यसअघि पनि भारतीय प्रहरीले असफल प्रयास गरिसकेकाे छ ।

स्थानीय भन्छन्, हामीले भारतीय प्रहरीलाइ भ्यानसहित घेरेका कारण उत्पन्न विवादमा नेपाल प्रहरी र सशस्त्र प्रहरी घटनास्थल पुग्याे तर हातहतियार सहित नेपाली भूमिमा पसेकाे भारतीय प्रहरीलाइ नेपाल प्रहरीले कुनै कार्वाही नगरी फिर्ता पठाइ दियाे ।

स्थानीयका अनुसार, याे संयाेग मात्र नभइ रणनीतिक याेजनाका साथ भारतीय प्रहरीहरू हातहतियार सहित नेपाली भूमि सुस्ता पसेकाे हुनुपर्छ, भारतीय प्रहरी वाल्मिकीनगर थानाकाे थियाे, वरिष्ठ स.इ.काे नेतृत्वमा थियाे र उनीहरू ६ जनाकाे संख्यामा थिए, भारतीय नम्बर प्लेटकाे स्कार्पियाेमा थिए तथा केही प्रहरीसित साना हतियार समेत देखा परेकाे थियाे ।

तर विडम्बनाकाे कुरा के छ भने नेपाल प्रहरीले कुनै प्रमाण दिन चाहेकाे छैन, सबै कुरा लुकाएकाे अवस्था छ । कारण के हाेला, बुझ्न गाह्राे छ। स्थानीय प्रहरी चाैकी सुस्ताका असइ वशिष्ठ यादव भन्छन्, घटना सत्य हाे तर हामीले कुनै प्रमाण आफुसित राखेनाैं ।