दिपेन्द्र चौधरी सहनी /पर्सा

भिस्वा एफ एम 107.6 MHz मा सर्ट सर्किटका कारण अचानक आगलागी भएको छ, जसले करिब ५० लाख रुपैयाँ बराबरको क्षति पुर्याएको छ।

प्रत्यक्षदर्शीका अनुसार आगो निकै छिटो फैलिएको थियो, जसका कारण स्टुडियो, ट्रान्समिटर, उपकरण र अन्य सामग्री जलेर नष्ट भएका छन्।

स्थानीय प्रशासन पुगेर केही समयको प्रयासपछि आगो नियन्त्रणमा लिन सफल भएका छन्। भाग्यवश, घटनामा कुनै मानवीय क्षति भएको छैन।

एफ एम व्यवस्थापनका अनुसार, आगलागीले एफ एमको प्रशारण प्रभावित भएको छ। उनीहरूले चाँडोभन्दा चाँडो प्रशारण पुनः सुरु गर्ने प्रयास गरिरहेका छन्।