सशस्त्र प्रहरीले विभिन्न किसिमका लागुऔषधसहित एक जनालाई नियन्त्रणमा लिएको छ ।
पर्साको वीरगंज महानगरपालिका–१६ भन्सार ईलाकाबाट सोमबार विभिन्न किसिमका लागुऔषधसहित एक जनालाई पक्राउ गरेको सशस्त्रका सह प्रवक्ता डीएसपी शैलेन्द्र थापाले जानकारी दिए ।
उनका अनुसार पक्राउ पर्नेमा जिल्लाको बहुदमाई गाउँपालिका–३ नगरदाहा बस्ने अन्दाजी ३६ वर्षीय मिश्री राम रहेका छन् । उनलाई सशस्त्र प्रहरी बल नेपाल प्रस्तावित सीमा सुरक्षा गुल्म वीरगंजले नियन्त्रणमा लिएको हो ।
भारतबाट पैदल आउँदै गरेका उनले टाउकोमा बोकी ल्याउँदै गरेको हरियो खुर्साको बोराभित्र लुकाई/छिपाई राखेको डाईजेपाम ४ सय ९० एम्पुल, बुप्रेनोर्फिन ४ सय ९९ एम्पुल, नोफिन २ सय ९७ एम्पुल र प्रोमाथाजिन हाईड्रोक्लोराई ईन्जेक्सन ४ सय ९७ एम्पुल फेला पारेको हो ।
नियन्त्रणमा लिएका उनलाई बरामद लागुऔषधसहित आवश्यक कारवाहीको लागि सम्बन्धित नियकायमा बुझाइएको उनले बताए ।
