नवलपरासी

पश्चिम नवलपरासीको सरावल गाउपालिका-२ मनरी पट्खौली सिमाना बीचमा जरायो मारेको आरोपमा ४ जनालाई प्रहरीले पक्राउ गरेको छ।

आज विहान करिब ७ बजेको समयमा बासा बसही प्रहरी चौकी र डिभिजन वन कार्यालय परासीको सयुक्त टोलीले उनिहरुलाई पक्राउ गरेको हो ।पक्राउ पर्नेमा सरावल वडा नम्बर-२ पट्खौली निवासी ५५ बर्षिय लोकबहादुर चौधरी, ५० बर्षका विरबहादुर चौधरी, २६ बर्षका प्रदिप चौधरी र ६२ बर्षका सेवी थारुलाई रहेका छन्।

अकस्मात जंगलबाट भागेर आएको हुन सक्ने जरायोलाई मारेको विषयमा शंकाष्पद रुपमा पक्राउ परेकाको विषयमा थप अनुसन्धान भैरहेको जिल्ला प्रहरी कार्यालयका सुचना अधिकारी (डिएसपी) बिरदत्त पन्तले जानकारी दिनुभएको छ । पक्राउ परेकाहरुलाई आवश्यक कारबाहीका लागी डिभीजन वन कार्यालय परासीको जिम्मामा लगाईएको उहाले बताउनुभयो।