नवलपरासी

पश्चिम नवलपरासीको पाल्हिनन्दन गाउँपालिका वडा नं ३ बेलासपुरबाट लागुऔषध ब्राउन सुगरसहित तिन जना भारतीय नागरिक पक्राउ परेका छन् ।

सशस्त्र प्रहरी बल २६ नम्बर गण बेलासपुरको टोलीले उनीहरूलाई शंकास्पद चेक जाँचको क्रममा बेलासपुरबाट पक्राउ गरेको हो। महेशपुरदेखि परासी आउँदै गरेको दुईवटा भारतीय मोटरसाइकलमा सवार तीनजना भारतीय नागरिकसहित १४९ ग्राम ब्राउन सुगर पक्राउ परेको छ।

पतञ्जलिको पिठो भित्र लुकाएर ल्याउँदै गरेको अवस्थामा उक्त परिणामको ब्राउन सुगर बरामद गरिएको सशस्त्र प्रहरी बल २६ नम्बर गण बेलासपुरका सूचना अधिकारी यज्ञमान साउथले जानकारी दिए। अहिले एक ग्राम ब्राउन सुगरको बजार मूल्य ८ देखि १० हजार रहेको र बरामद गरिएका अवैध ब्राउन सुगरको मूल्य झण्डै १५ लाख रूपैयाँ रहेको जानकारी दिनुभएको छ।

बरामद गरिएका लागू औषध ब्राउन सुगर सहित भारतीय नागरिकलाईआवश्यक कारबाहीको लागि थप अनुसन्धान भइरहेको सूचना अधिकारी साउथले खतरा न्युजलाई जानकारी दिनुभएको छ।