नवलपरासी/ चैत्र २४

जिल्ला प्रहरी कार्यालय नवलपरासीले भारतबाट अबैध रुपमा ल्याउँदै गरेको १ लाख‌ बराबरको बोइलर कुखुरा नष्ट गरेको छ । तीनवटा मोटरसाइकिलमा लोड गरेर ल्याउँदै गरेको बोइलर कुखुरा प्रतापपुर गाउँपालिका वडा नं २ सेमरीमा चेकजाँचका क्रममा नियन्त्रणमा लिइएको नवलपरासीका सूचना अधिकारी बिरदत्त पन्तले जानकारी दिए ।

अवैध रुपमा भारतबाट नेपाल कुखुरा ल्याउँदै गरेका व्यक्ति भने फरार भएको प्रहरीले जनाएको छ । नवलपरासीका सूचना अधिकारी बिरदत्त पन्तका अनुसार नष्ट गरिएका ब्रोइलर कुखुराको नेपाली बजार मूल्य करिब १ लाख रुपैयाँ बराबरको छ । आइतबार नियन्त्रणमा ल्याइएको कुखुरा स्थानीय भद्रभलादमी र जनप्रतिनिधिको रोहबरमा नष्ट गरिएको प्रहरीले जनाएको छ । भने आवश्यक कारबाहीको लागि तीनवटा मोटरसाइकिल भन्सार कार्यालय महेशपुर बुझाइएको छ।